1964 сыллаахха Ньурба аатырбыт сылгыһытыгар Николай Михайловка «Саха АССР үтүөлээх сылгыһыта» аат иҥэриллибит. Мэҥэдьэк сылгыта туспа боруода буоларыгар кылаатын киллэрбит киһи.
1991 сыллаахха саха норудунай суруйааччыта Суорун Омоллоон Социалистыы Үлэ Дьоруойа ааты ылар.
2019 сыллаахха Амма Эмиһиттэн төрүттээх опера ырыаһыта Нина Чигирева Ойуунускай аатынан Судаарыстыбаннай бириэмийэни ылбыт.
Ньурба оройуонун Мархатыгар саха живописеһа Андрей Чикачев төрөөбүт. Кини бүгүн 54 сааһын бэлиэтиир.
- Аан дойду ыччатын сомоҕолоһуутун күнэ
- Лаборатория кыылларын көмүскүүр аан дойдутааҕы күн
- Армения, Франция — Осмаан импиэрийэтигэр буолбут Армяннар геноцидтарын сиэртибэлэрин күнэ
- Кытай — Космонавтика күнэ (2016 сылтан бэлиэтэнэр)
Түбэлтэлэр:
- 1922 — Латвияттан төрүттээх Карл Байкалов (дьиҥнээх араспаанньата Некундэ) Саха уобалаһын сэриилэригэр Нестор Каландарашвили оннугар командующайынан ананан Дьокуускайга кэлэр. Кини кэлбитин кэннэ кыһыл былааһа олохтоохтор өрө турууларын утары хааннаах репрессияны уҕарыппыта, кэккэ эйэлээх миэрэлэри ылбыта.
- 1938 — Константин Пятс Эстония бастакы бэрэсидьиэнэ буолар.
- 1945 — Ньурбаттан төрүттээх СГУ учуонайа Николай Самсонов балтыларыгар суруйбут суругар: «Манчжурияҕа сылдьабын, орто оскуола таһымынан үөрэниэн баҕалаахтар бойобуой уонна политическай бэлэмнэнии кэнниттэн үөрэниэхтэрин сөп диэн ыйыы кэллэ. Мин үөрэнэр санаалаахпын, а. э. 8—10 кылаастар матырыйаалларын хатылыыр» — диэбит. Санаттахха, бу дьоппуоннары утары сэриигэ кыттыан иннинэ Николай Георгиевич арҕаа фроҥҥа сэриилэспитэ.
- 1991 — Саха норудунай суруйааччыта Суорун Омоллоон Социалистыы Үлэ Дьоруойа ааты ылар.
- 1998 — Татаар аан дойдутааҕы кэҥгириэһэ Арассыыйа юстициятыгар бэлиэтэниини ааспыт.
- 1964 — Ньурба аатырбыт сылгыһытыгар Николай Михайловка «Саха АССР үтүөлээх сылгыһыта» аат иҥэриллибит. Мэҥэдьэк сылгыта туспа боруода буоларыгар кылаатын киллэрбит киһи.
- 2007 — Бүлүү улууһун былааҕар уларытыы киирбит.
- 2014 — Саха Өрөспүүбүлүкэтин Бэрэсидьиэнэ Егор Борисов өрөспүүбүлүкэ баһылыгын эбээһинэһин толорооччу буолбут.
- 2019 — Амма Эмиһиттэн төрүттээх опера ырыаһыта Нина Чигирева Ойуунускай аатынан Судаарыстыбаннай бириэмийэни ылбыт.
Төрөөбүттэр:
- 1967 — Ньурба оройуонун Мархатыгар саха живописеһа Андрей Чикачев.
Өлбүттэр:
- 1942 — Ленинград фронугар бааһыран баран Мэҥэ Хаҥаластан төрүттээх Пуд Михайлов өлбүт. Саха сирин хомсомуолларыгар суруйбут суруга архыыпка баар.
- 1974 — Валентин Павлов (26.06.1916 т.) — 1934-40 сс. Саха сини НКВД-тыгар үлэлээбит, 1940 сылтан Дьокуускай куорат холуобунай розыһын салайааччыта, сэрии кэмигэр танковай корпус хамыһаара, Сэбиэскэй Сойуус Дьоруойа.
