Саха сирин Бырабыыталыстыбатын эрэгийиэни салайар киинэ өрөспүүбүлүкэ олохтоохторуттан 1 726 ыйытыыны бэлиэтээтэ. Киирбит ыйытыылар профильнай былаас уорганнарыгар уонна тэрилтэлэргэ ыытылыннылар.
Айсен Николаев быһа эпииргэ саамай суолталаах ыйытыыларга хоруйдаата уонна эрэгийиэн сайдыытын сүрүн тиэмэлэрин таарыйда:
— уматыгынан хааччыйыы;
— өрөспүүбүлүкэҕэ авиасибээс уонна субсидиялаах авиабилиэттэр эрэгийиэннээҕи бырагыраамаларын олоххо киллэрии;
— доруобуйа харыстабылын инфраструктуратын сайыннарыы;
— нэһилиэнньэлээх пууннары гаастааһын;
— өрөспүүбүлүкэ Арктикатын оройуоннарыгар энерготарыыптары сүрүннээһин;
— тыа сиригэр түргэн интэриниэтинэн хабар иэни кэҥэтии;
— куораттары уонна бөһүөлэктэри тупсарыы;
— массыына суолларын тутуу уонна өрөмүөннээһин;
— чэпчэтиинэн туһанар гражданнарга социальнай өйөбүл.
Ордук көхтөөхтүк Дьокуускай, ону сэргэ Өймөкөөн, Алдан, Ленскэй, Нерюнгри, Мииринэй, Аллараа Халыма, Өлүөхүмэ, Үөһээ Дьааҥы уонна Хаҥалас улуустарын олохтоохторо ыйытыылары биэрдилэр.
Быһа эпииргэ этиллибэтэх ыйытыыларга хоруйдар сотору кэминэн бэриллиэхтэрэ, диэн ЯСИА-ҕа иһитиннэрдилэр.
