Дьокуускай куоракка Олимпийскай резервэ училищетыгар сэтинньи 5–8 күннэригэр 2011–2012 сыллаах төрүөх уолаттарга боксаҕа аһаҕас турнир ыытыллыаҕа. Күрэхтэһии физкултуура уонна успуорт туйгуна, Саха Өрөспүүбүлүкэтин үөрэҕириитин туйгуна, Хорсун быһыы уордьанын кавалера Станислав Потапов кэриэһигэр ананар. Бу туһунан Успуорт министиэристибэтин пресс-сулууспата иһитиннэрдэ, ЯСИА суруйар.
Турнирга Анатолий Филиппов бирииһигэр өрөспүүбүлүкэҕэ бастыыр иһин күрэхтэһиигэ сүүмэрдэммит уолаттар кыттыахтара. Күрэхтэһии 16 ыйааһыҥҥа ыытыллыаҕа: 40, 42, 44, 46, 48, 50, 52, 54, 57, 60, 63, 66, 70, 75, 80 уонна 80-тан үөһэ кг. Сүрүн ирдэбил — спортсменнар успуорка бэлэмнэрэ I ыччат разрядыттан намыһаҕа суох буолуохтаах.
Тэрийээччинэн Олимпийскай чемпион Роман Дмитриев аатынан Олимпийскай резервэ училищета буолар.
Оҕо-ыччат бокса сайдыыта, успуорт үгэстэрин өйөөһүн уонна үүнэр көлүөнэни иитии «Арассыыйа успуорда» судаарыстыбаннай бырагыраама сүрүн хайысхалара буолаллар.
