Россия сүүмэрдэммит хамаандатын тренерскай штаба эр дьон уонна дьахталлар ортолоругар мас-рестлинг аан дойду чемпионатыгар кыттар хамаанда састаабын иһитиннэрдэ. Саха сириттэн тоҕус мадьыны мэтээл иһин охсуһуоҕа. Улахан спортивнай тэрээһини Казань сэтинньи 28-29 күннэригэр ылыаҕа, диэн суруйар ЯСИА.
Аан дойду чемпионата саҕаланыар диэри ыйтан кыра кэм хаалла. Быйыл сайаапканы 50-тан тахса дойдуттан хамаандалар биэрдилэр. Аан дойду помоһун лидердэрэ киирсиэхтэрэ.
Арассыыйа сүүмэрдэммит хамаандатын састааба Нерюнгрига ыытыллыбыт дойду чөмпүйэнээтин түмүгүнэн тэриллибитэ. Кылаабынай тренер Айсен Атастыров бэлиэтээбитинэн, билиҥҥитэ саамай күүстээх мас-рестлердар киирдилэр.
Казаҥҥа саха мадьынылара Артур Жирков, Ариан Григорьев, Айсиэн Мигалкин, Константин Жирков, Василий Захаров, Семен Борисов, Семен Степанов, Саина Седалищева уонна Валерия Никифорова барыахтара. Сотору кэминэн хамаанда Москваҕа үс нэдиэлэлээх хомуурга көтүөҕэ.
Арассыыйа сүүмэрдэммит хамаандата:
60 киилэҕэ диэри: Артур Жирков — аан дойду чемпионатын икки төгүллээх призера (2024, 2025);
65 киилэҕэ диэри: Ариан Григорьев — аан дойдутааҕы көс дьон оонньууларын үрүҥ көмүс призера (2026);
70 киилэҕэ диэри: Айсиэн Мигалкин — аан дойду чөмпүйүөнэ (2025);
75 киилэҕэ диэри: Константин Жирков — аан дойду чөмпүйүөнэ (2023);
80 киилэҕэ диэри: Василий Захаров — аан дойду икки төгүллээх чемпиона (2024, 2025);
90 киилэҕэ диэри: Семен Борисов — аан дойду чемпиона (2025);
105 киилэҕэ диэри: Семен Степанов — Арассыыйа чөмпүйүөнэ (2026);
125 кг диэри: Иван Галкин — аан дойду түөрт төгүллээх чөмпүйүөнэ (2018, 2022, 2023, 2024), аан дойду чемпионатын призера (2025);
125 кг тахса: Виктор Колибабчук — аан дойду түөрт төгүллээх чөмпүйүөнэ (2014, 2022, 2023, 2025);
55 киилэҕэ диэри: Лейла Шагисултанова — аан Дойдутааҕы көс дьон оонньууларын икки төгүллээх призера (2024 ,2026), аан дойду чемпионатын призера (2025);
65 киилэҕэ диэри: Алина Гераськина — Аан дойду Кубогын хаһаайына (2021);
75 киилэҕэ диэри: Саина Седалищева — аан дойду чөмпүйүөнэ (2018);
85 киилэҕэ диэри: Мохинур Абдузайирова — аан дойду чөмпүйүөнэ (2022), аан дойду чөмпүйэнээтин призера (2025);
85 кг тахса: Валерия Никифорова — аан дойду күрэхтэһиитин үрүҥ көмүс призера (2024).
