Саха сирин баһылыга Айсен Николаев РФ Судаарыстыбаннай Дууматын дьокутаатын Петр Шамаевы кытта үлэ мунньаҕын ыытта. Кинилэр парламент үлэтин сүрүн хайысхаларын уонна федеральнай таһымҥа болҕомтону эрэйэр боппуруостары дьүүллэстилэр, диэн sakha.gov.ru иһитиннэрэр.
Федеральнай бүддьүөт барылыгар этиилэргэ ураты болҕомто уурулунна. Петр Шамаев бу этиилэри Госдума дьокутаата Галина Данчиковалыын бииргэ оҥорор. Саха сиригэр бүддьүөт быһаарыылара ылыллалларыгар өрөспүүбүлүкэ наадыйыылара учуоттаналлара уонна сайдыы сүрүн хайысхаларын өйөбүлэ хааччыллара булгуччулаах.
«Билигин бүддьүөтү оҥоруу — сүрүн хайысхалартан биирдэстэрэ. Бүддьүөт иннинээҕи ыҥырыынан оҥоһуллубута, ол эрээри биһиги көннөрүүлэри киллэрэбит уонна сис кэмитиэттэргэ этиилэрбитин иһитиннэрэбит. Бу Галина Данчиковалыын бииргэ ыытар улахан үлэбит», — диэн Петр Шамаев кэпсээтэ.
Дьокутаат сүрүн болҕомтотун байыаннай дьайыылар бэтэрээннэрин уонна анал байыаннай дьайыы кыттыылаахтарын өйөөһүҥҥэ, ыччат бэлиитикэтигэр уонна тыа сирин сайыннарыыга уурар. Бу хайысхалар кини сокуону оҥоруу үлэтин биир суолталаах чааһынан буолуохтара.
«Петр Витальевич — төрөөбүт дойдутугар бэриниилээҕин бэйэтин холобурунан дакаастаабыт киһи. Маннык дьон Госдумаҕа наадалар. Кини уопута уонна билиитэ Саха сирин федеральнай таһымҥа интэриэһин көмүскүүргэ уонна өрөспүүбүлүкэ олохтоохторугар суолталаах боппуруостары быһаарарга көмөлөһүө диэн эрэллээхпин», — диэн Айсен Николаев бэлиэтээтэ.
