Чурапчы улууһугар сүөһү астыыр кэм саҕаланна. Идэһэ бырааһынньыга хас ыал аайы тэрилиннэ.
«Идэһэ кэмэ Чурапчы улууһугар бэҕэһээҥҥиттэн саҕаланна. Быйыл дьиҥэр балаҕан ыйыттан саҕалаабыппыт. Симиэнэҕэ 120 сүөһүнү астыыр кыахтаахпыт. Сойуус саҕаттан, хаста да реконструкция ааһан, механизированнай буойуна үлэлии турар. Билигин күҥҥэ, сүөһү аҕыйаҕынан, 40 сүөһүнү астыыбыт. Аны быйыл былааммыт даҕаны олус кыра — 200 эрэ төбө. Урукку сылларга 8 тыһыынча төбөҕө тиийэ буолара. Биһиги курдук кииннээн идэһэлээһини өрөспүүбүлүкэҕэ бэрт аҕыйах хаһаайыстыба оҥорор: Ытык-Күөл, Төҥүлү, Нам. Амма баара да, кэлин лаппа аччатта», — диэн «Чурапчы» ТХПК салайааччыта Николай Петров кэпсиир.
Суруйда Сэмэн Жендринскэй
