Астанаҕа көҥүл тустууга аан дойду чөмпүйэнээтин кыттыылаахтарын сэрэбиэйэ буолла. Владимир Егоров, Арыйан Тютрин, Айаал Белолюбскай, Георгий Окороков уонна Виктор Рассадин бастакы утарылаһааччыларын ааттарын биллилэр, диэн СИА иһитиннэрэр.
Саха сирин тустууктарыттан бастакынан Олимпиада кыттыылааҕа Георгий Окороков (61 кг диэри) тустан саҕалыаҕа. Кини утарылаһааччыта — Пуэрто-Рико бэрэстэбиитэлэ Калеб Смит. Онтон бу паара кыайыылааҕын Узбекистантан Олимпиада боруонса призёра Гуломжон Абдуллаев эбэтэр Соҕуруу Кореяттан Чансу Ким кэтэһэр. Бу турнир ситимин чааһыгар Арассыыйаттан Завур Угуев эмиэ баар.
57 кг диэри ыйааһыҥҥа 1/16 финалга аан дойду чөмпүйэнээтин призёра Арыйан Тютриҥҥа утары Алжиртан Муад Чибани тустан көрүөҕэ. Салгыы киниэхэ үс сабаҕаланар утарылаһааччы баар: Гвинея-Бисауттан Диамантино Иуна, Молдоваттан Андрей Витан уонна Ислам сомоҕолоһуутун Оонньууларын кыайыылааҕа Абдымалик Карачов (Кыргызстан).
Азия оонньууларын боруонса призёра Айаал Белолюбскай бастакы утарылаһааччыта — Япония бэрэстэбиитэлэ Ямато Огава.
Европа чөмпүйүөнэ Владимир Егоровка (бу ыйааһыҥҥа) Арассыыйа сүүмэрдэммит хамаандатын лиидэрэ Абубакар Муталиев утары тахсыаҕа. Онтон бу паара кыайыылааҕын 1/8 финалга Европа чөмпүйэнээтин икки төгүллээх боруонса призёра Манвел Хндзрцян (Армения) кэтэһэр.
Азия оонньууларын боруонса призёра Виктор Рассадин (74 кг диэри) Узбекистантан эдэр тустуук Джаховир Чулибоевтыын тустан көрүөҕэ. Онтон 1/16 финалга кини утарылаһааччытын Беларусьтан Никита Дмитриев кэтэһэр.
Саха тустууктарын аан дойду чөмпүйэнээтигэр тустан тахсар бириэмэлэрин көрөргө сигэни туһаныҥ.
