Ил Түмэн XX (уочараттаах) пленарнай мунньаҕар норуот дьокутааттара Саха Өрөспүүбүлүкэтин 2027 сыллааҕы уонна 2028-2029 сылларга былааннанар судаарыстыбаннай бүддьүөтүн барылын бастакы ааҕыыга ылыннылар.
Судаарыстыбаннай бүддьүөт — өрөспүүбүлүкэ дохуотун киириитин уонна ороскуотун тыырыытын сүрүн хайысхаларын быһаарар тутаах докумуон. Саха сирин бүддьүөтүн тиһигин, кини сүрүн көрдөрүүлэрин уонна бүддьүөт толоруллуутун туһунан сиһилии информацияны олохтоохтор Саха Өрөспүүбүлүкэтин бүддьүөтүн тиһигин Биир кэлим порталыгаркиирэн билсиэхтэрин сөп.
Порталга судаарыстыбаннай бүддьүөт сүрүн характеристикалара, дохуот уонна ороскуот, судаарыстыбаннай бырагыраамалар, судаарыстыба иэһэ уонна бүддьүөт туолуутун туһунан отчуоттар бэчээттэнэллэр. Туспа хайысхалар биирдиилээн гражданнарга аналлаах бүддьүөт чахчыларыгар уонна үп-харчы грамотнаһын боппуруостарыгар ананаллар.
Сиһилии матырыйааллары кытта Саха Өрөспүүбүлүкэтин бүддьүөтүн тиһигин Биир кэлим порталыгар https://budget.sakha.gov.ru/ билсиэххэ сөп диэн Саха сирэ саайт Ил Түмэн пресс-сулууспатыгар сигэнэн суруйда.
