Арассыыйаҕа чиэппэринэн араарыллар оскуола үөрэҕэр быйылгы каникуллар урукку дьыллааҕар биир күнүнэн кылгас буолуохтара. Бу туһунан РИА Новости Арассыыйа Үөрэҕин министиэристибэтигэр сигэнэн иһитиннэрэр.
Докумуоҥҥа олоҕуран, 2–11 кылаас үөрэнээччилэрин күһүҥҥү, кыһыҥҥы, сааскы уонна сайыҥҥы каникулларын уопсай уһуна 2026/27 үөрэх дьылыгар 126 күн буолуоҕа. Урукку үөрэх дьылыгар үөрэнээччилэр 127 күн каникуллаабыттара.
Күһүҥҥү каникуллары алтынньы 26 күнүттэн сэтинньи 3 күнүгэр диэри, кыһыҥҥыны — ахсынньы 31 күнүттэн тохсунньу 10 күнүгэр диэри, сааскы — кулун тутар 27 күнүттэн муус устар 4 күнүгэр диэри, сайыҥҥы — ыам ыйын 27 күнүттэн атырдьах ыйын 31 күнүгэр диэри ыытарга сүбэлииллэр. Бастакы кылаас үөрэнээччилэригэр эбии каникуллар — 2027 сыл олунньу 15 күнүттэн 21 күнүгэр диэри көрүллэллэр.
Үөрэх халандаарын былаанын оҥороругар оскуола федеральнай былааны туһаныан эбэтэр эрэгийиэннээҕи уонна этно-култуурунай үгэстэри учуоттаан, бэйэтин киэнин оҥоруон сөп.
