Ил Түмэн РИП кыттыылаахтарыгар барыс нолуогар, тас дойдуттан кэлбит дьон НДФЛ-гар уонна тырааныспар нолуогар чэпчэтиилэргэ сыһыаннаах көннөрүүлэри ылынна.
«Саҥа уларытыылар нолуок чэпчэтиилэрин көдьүүһүн уонна инвестиция мэхэньиисимин дьэҥкэ буолууларын үрдэтиигэ туһаайыллаллар. Биһиги сүрүн салааларга өйөбүлү хаалларабыт уонна чэпчэтиилэри ордук сыаллаах-соруктаах оҥоробут», — диэн экэниэмикэ миниистирэ Петр Попов бэлиэтээтэ.
РИП кыттыылаахтарыгар 6-тан 10-с нолуок кэрдииһигэр диэри барыс нолуогун ыстаапката 13,5%-тан 16%-ҥа диэри үрдүүр. 2027 сылтан саҥа «реестрэ суох» кыттааччыларга намтатыллыбыт ыстаапкалар хааччахтаналлар. Күндү металлары хостуур бырайыактарга хапытаалынай угуу муҥутуур кээмэйэ үрдүүр — олоххо киллэрии болдьоҕуттан көрөн 2 млрд уонна 20 млрд солкуобайга диэри.
