Саха сирин баһылыга Айсен Николаев тыа хаһаайыстыбатын-ас бырамыысыланнаһын комплексын боппуруостарыгар анаммыт сүбэ мунньаҕар Амма улууһун баһылыга Степан Кузьмин улуус аграрийдара 2 109 туонна хортуоппуйу уонна 481 туонна оҕуруот аһын хомуйбуттарын туһунан иһитиннэрдэ. Былаан 100% туолла. Ол туһунан тыа хаһаайыстыбатын министиэристибэтин пресс-сулууспата суруйда.
«Амма улууһугар хортуоппуйга 170,5 гектар сир, оҕуруот култууратын олордууга 20,2 гектар сир бэриллибитэ», — диэн Степан Кузьмин бэлиэтээтэ.
Санатар буоллахха, быйыл Саха сиригэр хортуоппуйу 6 тыһыынча гектартан хомулунна — уопсай хомуур 70,5 тыһыынча туоннаҕа тэҥнэстэ, ол эбэтэр былаан 100% туолла. Оҕуруот аһа 28 тыһыынча туонна (былаан 100%) хомулунна: 20 тыһыынча туонна — аһаҕас буорга, 8 тыһыынча туонна — хаххалаах сиргэ.
