2027 сылга Ийэ хапытаала аан бастаан биир мөлүйүөн солкуобайы куоһарыаҕа. Бу туһунан РФ Үлэҕэ министиэристибэтэ иһитиннэрдэ.
Бэрэсидьиэн сорудаҕынан төлөбүр олунньу 1 күнүттэн ааспыт сыллааҕы дьиҥнээх инфляция таһымынан индексацияланар — 6,8% буолуо диэн сабаҕаланарын, биэдэмистибэ пресс-сулууспата бэлиэтиир.
Ол курдук, Ийэ хапытаалын кээмэйэ бастакы оҕоҕо 778,5 тыһ. солкуобай, оттон иккис оҕоҕо 1,028 мөл. солкуобайтан тахса буолуоҕа, өскөтүн дьиэ кэргэн бастакы оҕоҕо төлөбүрү ылбатах буоллаҕына.



