Хаҥалас улууһун Улахан-Аан сэлиэнньэтигэр Малдьаҕар 2-с №-дээх оскуолатын үөрэнээччилэрэ сыл аайы оҕуруот аһын уонна арбузтары хомуйаллар. Быраактыка дьарыктара кыһыҥҥы тэпилииссэҕэ ыытыллаллар: арбузтары таһынан оҕолор помудуордары, хаппыыстаны, сүбүөкүлэни, хортуоппуйу, оҕурсууну уонна моркуобу үүннэрэллэр.
«Үүнүүнү сороҕун олохтоохторго уонна оскуола үлэһиттэригэр атыылыыбыт, ол эрэн үксүн оҕуруот аһын уонна арбузтары оҕолор эбиэккэ сииллэр. Арбузтар олус минньигэстэр, куруук ситэллэр, ортотунан 3–4 кг ыйааһыннаахтар», — диэн үлэ инструктора Анна Никифорова кэпсээтэ.
Үлэ дьарыктара алтыс кылаастан саҕаланаллар.
