Бүгүн, алтынньы 29 күнүгэр, 20:00 чаастан 22:00 чааска диэри Дьокуускайдааҕы телебашня кыһыл өҥүнэн умайыаҕа. Бу Секлетея Алексеевна Курчатова 100 сааһын бэлиэтиир тэрээһин — кини саха телевидениетин сайдыытыгар сүрүн оруолу оонньообут салайааччы.
1973 сылтан Секлетея Курчатова Саха АССР Гостелерадиотын салайбыта. Кини салалтатынан телерадио биэриилэрин оборудованиета саҥардыллыбыта, Саха сирэ өҥнөөх ойууга көспүтэ, 225 миэтэрэлээх телебашня туруоруллубута, бу сигнал ылыытын хаачыстыбатын тупсарбыта уонна биэрии зонатын кэҥэппитэ. Кини көҕүлээһининэн Ленинградтан Дьокуускайга көһө сылдьар телевизионнай ыстаансыйа аҕалыллыбыта, ол көмөтүнэн суруналыыстар миэстэтигэр тиийэн сюжеттары устар кыахтаммыттара.
Телебашня кыһыл уота кини Саха сиригэр телевидение уонна сибээс сайдыытыгар киллэрбит кылаатын иһин махтал бэлиэтинэн буолуоҕа.
