Саха сиригэр уматык кэммиэрчэскэйэ суох саппааһын мунньуу үлэтэ салҕанар. Өрөспүүбүлүкэ гражданскай оборона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйыыга миниистирин солбуйааччы Никита Павлов брифиҥҥэ иһитиннэрбитинэн, билигин Аллараа Бэстээх ыстаансыйатыгар 346 богуон ньиэп бородууктата, уопсай кээмэйэ 19,5 тыһыынча туонна, айаннаан иһэр.
Аллараа Бэстээхтэн Дьокуускайга уматыгы салгыы таһарга күн аайы 50-тан тахса бензовоз туһаныллар. Ону таһынан, эбии паром үлэҕэ киирэр.
«Аллараа Бэстээхтэн Дьокуускайга таһаҕаһы таһарга күн аайы 50-тан тахса бензовоз үлэлиир, ону таһынан эбии паром туһаныллар», — диэн Павлов бэлиэтээтэ.
Кини өрөспүүбүлүкэ киинигэр ньиэп бородууктатын кэмигэр тиэрдэргэ дьаһаллар ылыллалларын эттэ. Кыһыҥҥы кэмҥэ уматык таһыытын тэрийиигэ уонна саппааһы мунньууга ураты болҕомто ууруллар.
Ол кэмҥэ «Туймаада-Ньиэп» АУо уонна «Сибойл» ХЭТ сапараапкалыыр ыстаансыйаларыгар быстах кэмнээх хааччахтар уһулуннулар. Ньиэп бородууктатын харчынан уонна каартанан төлөөн, ол иһигэр иһиттэргэ кутан, толору кээмэйинэн биэрэллэр.
