Сэтинньи 29 күнүттэн Дьокуускайтан Аллараа Бэстээххэ диэри салгын сыттыктаах суудуналарга айан төлөбүрэ 5000 солкуобайга диэри үрдүөҕэ. Пассажирдары арыыга таһааран баран, салгыы атын суудунаҕа көһөрөн тиэйиэхтэрэ. Бу туһунан «Ленаводсервис» хампаанньа салайааччыта Борис Строев иһитиннэрдэ.
«Гидрологическай быһыы-майгы уустугурбутунан сибээстээн, тарыып үрдүүрэ күүтүллэр. Сарсыҥҥыттан тарыып биир хайысхаҕа 5000 солкуобай буолуоҕа. Арыыга, көһөр сиргэ, сибээс мөлтүөн уонна интэриниэт суох буолуон сөп. Электроннай төлөбүрдэр уонна каартанан төлөбүр кыаллыахтара суоҕа. Пассажирдар айан төлөбүрүн наличканан төлүөхтээхтэр», — диэн Борис Строев эттэ.
Маршрут уларыйбат: Дьокуускай 204-с микро-оройуонуттан («Намыв» ыстаансыйа) Аллараа Бэстээххэ тимир суол вокзалыгар диэри.
