ОГЭ-2027 сүрүн түһүмэҕэ бэс ыйын 2 күнүттэн от ыйын 5 күнүгэр диэри ыытыллыахтаах. Бу туһунан РИА Новости Рособрнадзорга сигэнэн иһитиннэрэр.
Эксээмэннэр бэс ыйын 2 күнүттэн математика эксээмэниттэн саҕаланыахтара. Бэс ыйын 5 күнүгэр информатика уонна омук тылларыгар эксээмэннэр буолуохтара, бэс ыйын 11 күнүгэр — нуучча тылыгар. Бэс ыйын 8, 16 уонна 21 күннэригэр нуучча тылын уонна математиканы таһынан биридимиэттэргэ барытыгар эксээмэннэр ыытыллыахтара.
Саппаас болдьохтор бэс ыйын 28 күнүттэн от ыйын 5 күнүгэр диэри олохтоннулар. Эксээмэннэр ыытыллар күннэрин туһунан уопсастыбаннай дьүүллэһии өссө да буолуоҕа, диэн иһитиннэриигэ суруллар.
