Алтынньы 8 күнүгэр, чэппиэргэ, Саха сирин үгүс улуустарыгар сөҥүүтэ суох, ыраас күн-дьыл туруоҕа. Сорох улуустарга салгын температурата +10 кыраадыска диэри сылыйыаҕа, диэн Саха сиринээҕи УГМС билгэлиир.
Хотугу уонна соҕуруулуу-илин улуустарга кыра хаар түһүөҕэ, Халыма улуустарыгар орто соҕус хаардаах буолуоҕа. Арктика кытылыгар уонна Халыма улуустарыгар 15–20 м/с түргэннээх тыал түһэрин сэрэтэллэр.
Түүн киин улуустарга -5…-10 кыраадыс тымныйыаҕа, халлаан ырааһырдаҕына уонна хоту -13…-18 кыраадыс, хотугулуу-илин хайалаах сирдэргэ -23…-28 кыраадыс буолуоҕа. Күнүһүн киин улуустарга -2…+3 кыраадыс, соҕуруулуу-арҕаа +5…+10 кыраадыска диэри сылыйыаҕа, хотугулуу-илин -3…-8 кыраадыс буолуоҕа.
Дьокуускай куоракка түүнүн -8…-10 кыраадыс тымныйыаҕа. Күнүһүн 0…+2 кыраадыска диэри сылыйыаҕа. Күнү быһа үксүн сөҥүүтэ суох ыраас күн туруоҕа.
