Былатыан Ойуунускай аатынан Саха академическай тыйаатыра Иван Гоголев — Кындыл «Хара кыталык» романыгар олоҕурбут туруоруутун сэтинньи 13 күнүгэр 18:00 чааска көрүөхпүт диэн, тэрилтэ пресс-сулууспата иһитиннэрдэ.
Иччи, кут-сүр, түүл, бит-билгэ, ойууннааһын — саха итэҕэлин дьиктилээх көстүүлэрэ дуу, биитэр түҥкэтэх олох хараҥа өрүтэ дуу?
Талаан уонна албын-көлдьүн туох ураты күүстээҕий?
Испэктээкилгэ Хабырыыс уонна Хобороос эрэйдээх-буруйдаах дьылҕалара көстөр. Ол нөҥүө дьиҥ итэҕэл, талаан уонна итэҕэйэр үгэс — кыһалҕалаах, буккуурдаах олох эрдиитигэр эриллэн, түҥүрэн, иэдээн, куттал, төрдө буолар, диэн суруллар иһитиннэриигэ.
«Билиэттэр онлайн атыыланаллар. Пушкинскай каартаны туттуохха сөп. Синхроннай тылбаас баар буолар», — диэн Лилия Уваровская.
