Искибиэргэ тротуар билиитэтэ уурулунна, сырдатыы тардылынна, ыскамыайкалар, хачыал арааһа туруорулуннулар. Воркаут-былаһааккаҕа спортивнай комплекс уонна тренажердар баар буоллулар.
«Биһиги төрөөбүт Бэчэнчэбит оҕолорун аатыттан эһиэхэ кэрэ искибиэр иһин махталбытын биллэрэбит, манна хас биирдии киһиэхэ үчүгэйдик сынньанарга уонна бириэмэни атаарарга миэстэ көстүөҕэ», — диэтэ Бэчэнчэ эдэр олохтооҕо Дарина Индеева.
Эбийиэк олохтоохтор көҕүлээһиннэринэн «Олох инфраструктурата» национальнай бырайыак «Тупсаҕай куорат эйгэтин тэрийии» федеральнай бырайыак чэрчитинэн, Арассыыйа бэрэсидьиэнэ Владимир Путин көҕүлээһининэн баар буолла.
