Сэтинньи 4-с күнүнээҕи бырааһынньык толору ый үлэлээбит дьон хамнаһыгар (акылаат эбэтэр тарыып ыстаапкатынан ааҕыллар хамнаска) дьайыа суоҕа диэн Госдуума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин бастакы солбуйааччыта Светлана Бессараб РИА Новостига кэпсээтэ.
«Толору ый үлэлээбит дьон хамнаһа акылаат эбэтэр тарыып ыстаапкатынан ааҕыллар буоллаҕына, хамнас урукку кээмэйинэн хаалыаҕа, эбии бырааһынньык күннэрэ хамнаһы ханнык да өттүнэн кыччатыахтара суоҕа», — диэн Бессараб сэтинньи ыйга бырааһынньык күн хамнаска дьайыытын туһунан эттэ.
Норуот сомоҕолоһуутун күнэ Арассыыйаҕа сыл аайы сэтинньи 4-с чыыһылатыгар бэлиэтэнэр. Ити иннинээҕи күн, сэтинньи 3-гэр, Арассыыйа олохтоохторун кылгатыллыбыт үлэ күнэ күүтэр.
