Бэҕэһээ, сэтинньи 2 күнүгэр, Эбээн-Бытантай национальнай улууска «Үөһээ Дьааҥы» суол учаастагар айан сырыыта аһылынна. Быйыл Арктикаҕа бастакы кыһыҥҥы суол Кустуур сэлиэнньэтигэр киирии суол буолла.
«Айан сырыытын сүрүн усулуобуйалара: тимир көлө уопсай ыйааһына — 10 туоннаҕа диэри, массыыналар ыккардыларыгар саамай кыра арыт — 70 м итэҕэһэ суох буолуохтаах», — диэн тырааныспар министиэристибэтин иһитиннэриитигэр суруллар.
СӨ «Арктика суоллара» КП суоппардарга олохтоммут хааччахтары тутуһалларыгар уонна суолга болҕомтолоох буолалларыгар көрдөһөр.
