Саха режиссера Владимир Мункуев “Зимняя дорога” историческай драматыгар Юра Борисов кыһыл хамандыырын Иван Строд оруолун оонньуоҕа. Ол туһунан режиссер Култуура министиэристибэтигэр киинэ бырайыактарын питчинигэр иһитиннэрдэ.
“Мин номнуо 5 сыл үлэлээтим. Биһиги икки сылы быһа кастинг оҥордубут. Анатолий Пепеляев оруолун Григорий Добрыгины оонньотуохпутун баҕарабыт уонна Юра Борисовы кытта кэпсэтэн, Иван Строду толоруоҕа,” – диир режиссер.
Саха сиригэр 1922-1923 сылларга буолбут гражданскай сэрии түбэлтэлэрэ киинэ төрүөтэ буолар. Ис хоһооно – үрүҥ генерал Анатолий Пепеляев уонна кини Сибиирдээҕи дружинатын офицердара Саха сиригэр табыллыбатах похуоттарын кэнниттэн Читаҕа буолбут суут көрдөрүллэр.
Мункуев этэринэн, история сүрүн чааһа, Строд төһө да Пепеляевтыын кыргыһыы хонуутугар утарыласпыттарын иһин, суукка үрүҥнэр тыйыс быһыылааммыттарын буруйдааһыҥҥа, кини утары туруута буолар. Дьоруойдар атын-атын бэлитиичискэй көрүүлээх да буоллаллар, бэйэ-бэйэлэригэр гуманизмы көрдөрбүттэрин туһунан режиссер кэпсиир соруктаах.
Киинэни Саха сиригэр кыһын устар былааннаахтар. Киинэ 2028 сылга тахсыаҕа.
Тылбаас: Саргылана Слепцова
