Дьокуускай аэропордугар бүгүн, сэтинньи 2 күнүгэр, «Норуот уонна аармыйа биир» IV өрөспүүбүлүкэтээҕи фашизмы утарар пуорумҥа анал байыаннай дьайыы инники кирбиититтэн кэлбит байыастары үөрүүлээхтик көрүстүлэр.
Геройдары ыччат дьыалатыгар уонна социальнай коммуникацияҕа миниистир эбээһинэһин толорооччу, АБДь бэтэрээнэ Александр Максимов эҕэрдэлээтэ.
«Пуорум чэрчитинэн байыастар ыччаты кытта көрсүһүүлэргэ кыттыахтара. Төрөөбүт Сахаларын сиригэр кэлбит хас күннэрэ аймахтарын, чугас дьоннорун кыһамньыларынан, тапталларынан туолуо диэн эрэнэбин. Биһиги бары, саха дьоно, байыастарбытын сыаналыыбыт, күүтэбит», — диэтэ Александр Максимов.
Сэтинньи 5 күнүгэр байыастар өрөспүүбүлүкэ салалтатын, бэтэрээннэрин уонна волонтердарын кыттыылаах «Норуот уонна аармыйа биир» IV өрөспүүбүлүкэтээҕи фашизмы утарар пуорум пленарнай мунньаҕар кыттыахтара.
Фронтан кэлбит байыаннай сулууспалаахтар бары кыргыһыы хонуутугар уһулуччулаахтар, кинилэргэ пуорум киин былаһааккатыгар судаарыстыбаннай наҕараадалар туттарыллыахтара.
Сэтинньи 2-6 күннэригэр Дьокуускайга ыытыллар «Норуот уонна аармыйа биир» IV өрөспүүбүлүкэтээҕи фашизмы утарар пуорум уопсастыбаны сомоҕолуурга, ыччаты патриотическай иитиигэ, АБДь кыттыылаахтарын уонна кинилэр дьиэ кэргэттэрин өйөөһүҥҥэ, ону тэҥэ фашизмы утарыыга туһуланар.
