Диетолог, эндокринолог Антон Поляков aif.ru комментарийыгар киэһээҥи аһылыкка түргэн углеводтардаах аһы сиэһин буортутун туһунан сэрэттэ.
Кини этэринэн, түргэнник иҥэриллэр углеводтардаах эбэтэр бырамыысыланнай крахмаллаах ханнык баҕарар бородуукталар организмҥа туһаны аҕалбаттар. Киэһээҥи уонна түүҥҥү кэмҥэ ордук кутталлаахтар.
«Түргэн углеводтардаах эбэтэр промышленнай крахмаллаах ханнык баҕарар бородуукта — бурдук ас, минньигэс астар — хааҥҥа саахар таһымын үрдэтэллэр. Оттон киэһээҥи уонна түүҥҥү кэмҥэ элбэх углеводтаах аһы аһаатахха, сыа ууруллуутугар уонна оһоҕос иһигэр микрофлора кэһиллиитигэр тириэрдиэн сөп. Ас буһарыыта киэһээҥи уонна түүҥҥү кэмҥэ сарсыардааҥы-күнүскү кэмтэн арыый уратылаах», — диэн Поляков кэпсээтэ.
Исписэлиис ону сэргэ киэһээҥи углеводтаах ас оҕолор уонна улаатан эрэр оҕолор ньиэрбэ систиэмэтигэр куһаҕаннык дьайыан сөбүн бэлиэтээтэ. «Киэһээҥи аһылыкка углеводтаах ас элбэҕэ адреналин тахсарын көбүтүөн сөп. Бу уолуйууну, долгуйууну уонна өһүргэниини, кыыһырыыны үрдэтиэн сөп», — диэн диетолог быһаарда.
