«Полярные авиалинии» авиахампаанньа Саха сирин ыраах хоту уонна Арктика улуустарыгар аһы-үөлү тиэйэр «күөх рейстэри» салгыы толорор. Бүгүҥҥү күҥҥэ сэттэ рейси толорон, Усуйаана, Эбээн-Бытантай, Анаабыр, Дьааҥы уонна Муома улуустарыгар 35 туоннаттан тахса аһы-үөлү тиэйбитин авиахампаанньа пресс-сулууспата иһитиннэрэр.
«Күөх рейстэр» сиринэн уонна уунан сырыы суох кэмигэр, ыраах нэһилиэнньэлээх пууннары аһынан-үөлүнэн хааччыйар сыаллаах тэриллэр.
Аһы-үөлү тиэйэрин таһынан, «Полярные авиалинии» авиахампаанньа былааннаах эрэсииминэн улуустар икки ардыларыгар уонна биир улуус иһигэр пассажирдары таһар көтүүлэри, ону тэҥэ катастрофа медицинатын сайаапкаларынан суһал санитарнай сорудахтары толорор.
