Дьокуускай «Арассыыйа эдэр ыччат киинэ — 2027» ааты ылар иһин «Эдэр ыччат кэмэ» диэн Арассыыйатааҕы бириэмийэҕэ кыттар. Бу бириэмийэни Росмолодёжь тэрийэр.
Кыайыы куоракка федеральнай таһымҥа биллэригэр, ыччат бырайыактарыгар болҕомтону тардарга уонна атын эрэгийиэннэри кытта бииргэ үлэлэһиини кэҥэтэргэ көмөлөһүөҕэ. Аат ону тэҥэ Дьокуускай үөрэнэргэ, бэйэни сайыннарарга уонна ыччат көҕүлээһиннэрин сайыннарарга кыахтарын көрдөрөргө көмөлөһүөҕэ, суруйда «Эхо столицы» МАХ ханаала.
Олохтоохтору куораты социальнай ситимнэргэ өйүүргэ ыҥыраллар: «ВКонтакте» диэн ситимҥэ постары таһаарарга уонна Дьокуускай — эдэр ыччат киинэ буоларын туһунан кэпсииргэ. Сөбүлүүр сирдэриҥ, куорат эдэр олохтоохторун ситиһиилэрин, интэриэһинэй бырайыактары уонна куорат инники кэскилин туһунан идиэйэлэр тустарынан кэпсиэххэ сөп.
