Бырабыыталыстыба уонна дьокутааттар куорпустара бииргэ ОДьКХ, тарыыптар уонна да атын эйгэлэргэ мунньуллубут боппуруостары быһаарар кыахтаахтар. Бу туһунан бырабыыталыстыба бэрэссэдээтэлин бастакы солбуйааччытын дуоһунаһыгар анааһыны бигэргэтиигэ истиилэр түмүктэринэн Саха Өрөспүүбүлүкэтин Ил Түмэнин сүүрбэһис пленарнай мунньаҕар Николай Бочков иһитиннэрдэ.
«Бүгүн Ил Түмэн дьокутааттара бырабыыталыстыба бэрэссэдээтэлин бастакы солбуйааччы дуоһунаска мин кандидатурабын бигэргэттилэр. Үлэлии кэлбит соруктарбар уонна баар кыһалҕалары быһаарыыга сыһыаннаах элбэх тыын суолталаах ыйытыылары биэрдилэр», — диэтэ Николай Бочков.
Бырабыыталыстыба бастакы солбуйааччыта ОДьКХ эйгэтигэр мунньуллубут боппуруостарга уонна кыһалҕаларга биир кэлим сыһыан ирдэнэрин бэлиэтээтэ.
«Бырабыыталыстыбаҕа уонна дьокутааттар куорпустарыгар элбэх быһаарыыны ылынарга бииргэ үлэлиир наада — бу Арассыыйа Тутууга уонна ОДьКХ министиэристибэтин, Арассыыйа ФАС-ын суотугар бырагыраамалары өйөөһүҥҥэ федеральнай киини кытта үлэ, тарыып сыһыаннаһыыларыгар уларытыы, олор тустарынан олус элбэх ыйытыы баар. Бары боппуроустары биһиги бииргэ эрэ быһаарар кыахтаахпыт», — диэтэ Николай Бочков.
