Андрей Колобов — анал байыаннай дьайыы бэтэрээнэ, IV истиэпэннээх Георгий кириэһэ наҕараадалаах. Сулууспа иннигэр 15 сылтан ордук кыһыл көмүһү хостуур салааҕа бульдозериһынан үлэлээбит, гусеницалаах тиэхиньикэ бары мааркатын баһылаабыт уонна В, С категориялаах бырааптары ылбыт. Бу сатабыллара кыргыһыы хонуутугар туһалаабыттар.
2022 сылга мобилизацияланан баран, кини түөрт сыл устата штурмовой ротаҕа сулууспалаабыт. 2026 сылга доруобуйатын туругунан саппааска барбыт. Эйэлээх олоххо төннөргө «Аҕа дойдуну көмүскээччилэр» пуонда өйөбүлэ көмөлөспүт: бэтэрээн кыбартыыра өрөмүөнүгэр бырайыагын көмүскээбит уонна Саха сирин Үлэҕэ министиэристибэтинэн судаарыстыбаннай өйөбүлү ылбыт.
«Ыарахан кэннэ алдьатары буолбакка, айар-тутар, дьоҥҥо үтүөнү, кыһамньылаах буолар баҕа санаа киирэр», — диир Андрей.
Иллэҥ кэмигэр дьиэ кэргэнин кытта уонна айылҕаҕа сылдьарын сөбүлүүр. Кини этэринэн, патриотизм үлэни ытыктыыртан уонна өбүгэлэри өйдүүртэн саҕаланар. Кини эһэтэ, Аҕа дойду Улуу сэриитин кыттыылааҕа, дьиэ кэргэҥҥэ сиэр-майгы холобура буолар. Бу сыаннастарын Андрей уолугар тиэрдиэн баҕарар.
