Алтынньы 20 күнүгэр Дьокуускай куораттан анал байыаннай дьайыы байыастарыгар гуманитарнай таһаҕаһы уонна аадырыстаах баһыылкалары кытары холбоон 1,5 туонна кэриҥэ ыйааһыннаах үс тиэхиньикэ ыытылынна. Бу туһунан брифиҥҥэ «Кыайыыга бииргэ!» өрөспүүбүлүкэтээҕи ыстаап хамыыһыйатын сүрүннүүрй киинин бэрэстэбиитэлэ Евгения Васильева иһитиннэрдэ.
«Массыына суолга Алдаҥҥа таарыйан, туонна кэриҥэ гуманитарнай таһаҕаһы уонна аадырыстаах баһыылкалары тиэниэҕэ», — диэн эбэн эттэ Евгения Васильева. Кини бэлиэтээбитинэн, урут, алтынньы 16 күнүгэр, фроҥҥа Саха сириттэн Арассыыйа норуоттарын сомоҕолоһууларын күнүгэр анаммыт бородуукталаах бэлэх нобуордаах улахан таһаҕас массыыната айаннаабыт.
«Бэлэх набора олоччу олохтоох оҥорон таһаарааччылар бородууксуйаларыттан турар. Сүрүннээн эт уонна балык бородууксуйата. Уопсайа 21 туонна кэриҥэ бэлэх хомуллубут. Олору кытта анал байыаннай дьайыы кыттыылаахтарыгар «Хоту-Ас» хампаанньа биир туонна халбаһыы бородууксуйата ыытыллыбыта», — диэн кэпсээтэ сүрүннүүр киин бэрэстэбиитэлэ.
