Иккис робот-официант Дьокуускай оскуолатыгар баар буолла. Бүгүн өйдөөх көмөлөһөөччүнү 39 № — дээх оскуолаҕа билиһиннэрдилэр. Бу туһунан Дьокуускай куорат муниципальнай үөрэх тэрилтэлэрин ресурсанан хааччыйыы киинэ МАХ ханаалыгар иһитиннэрэр.
Робот куоска дизайнынан, навигация систиэмэтинэн уонна меню, биллэрии уонна видео туруорар улахан экранынан хааччыллыылаах. Кини туспа үлэлиир кыахтаах, биирдэ хас да подноһу тиэйэр кыахтаах, ол остолобуой аһарар кыаҕын улаатыннарар, ону тэҥэ датчиктарынан уонна сымнаҕас бамперынан тулалыыр дьоҥҥо куттала суох.
«Дьокуускай оскуолаларыгар роботтар кэлиилэрэ сервиһи роботизациялааһыҥҥа аан дойду уопсай трендын сорҕото буолар. Санатан эттэххэ, бастакыта тохсунньуга 40 № — дээх оскуолаҕа кэбитэ. Бүгүн биһиги 39 № — дээх оскуолаҕа BellaBot Pro билиһиннэрдибит. Кини оҕолорго олус элбэх позитивнай иэйиини үөскэттэ уонна оскуола остолобуойугар болҕомто киинэ буолла. Оҕолор кини үлэтин үөрэ-көтө кэтээн көрөр эрэ буолбакка, интэриэһинэйдик тэриллибит аһылык кэмигэр кытталлар. Билиҥҥитэ оҕолор роботы бокуойдаабаттар, ити эрээри биир нэдиэлэнэн уоскуйан, робот остолобуой күннээҕи үлэтин сорҕото буолуоҕа», — диэн «ЦРО» МАУ дириэктэрэ Варвара Кычкина кэпсээтэ.
Маннык роботтар Дьокуускай атын оскуолаларыгар эмиэ баар буолуохтарын сөп.
