Саха сирин үөрэҕин тиһигин сайыннарыыга чугастааҕы үс сылга 200 млрд солкуобайтан тахса үбү ыытыы былааннанар. Бу туһунан СӨ Үөрэх уонна наука миниистирин бастакы солбуйааччыта Виктория Захарова ЯСИА-ҕа иһитиннэрдэ.
Кини этэринэн, үбүлээһин салаа сүрүн хайысхаларын барытын хабыаҕа — үөрэх тэрилтэлэрин үлэлэрин хааччыйыыттан уонна оҕолорго үөрэнэр аныгы усулуобуйаны тэрийииттэн үөрэх хаачыстыбатын үрдэтиигэ уонна өрөспүүбүлүкэ экэниэмикэтигэр ирдэнэр идэлээх каадырдары бэлэмнээһиҥҥэ тиийэ.
«Үөрэхтээһин — Саха сирин сайдыытыгар уһун болдьохтоох инвестиция. Биһиэхэ салаа билиҥҥи соруктарын быһаарары уонна инникигэ усулуобуйаны тэрийэри тэҥҥэ ситиһии суолталаах: үөрэх инфраструктуратын саҥардыыга, педагогтары өйөөһүҥҥэ, оҕолор кыахтарын кэҥэтиигэ уонна өрөспүүбүлүкэ экэниэмикэтигэр ирдэнэр исписэлиистэри бэлэмнээһиҥҥэ», — диэтэ Захарова.
Сиһилии манна ааҕыҥ.
