Сарсын Сомоҕолоһуу күнүгэр Дьокуускайга бырааһынньыктааҕы миитин-кэнсиэр ыытыллыаҕа. Үгэс быһыытынан тэрээһин куораты төрүттээччи Петр Бекетов пааматынньыгын аттыгар буолуоҕа, диэн олохтоох дьаһалта пресс-сулууспата иһитиннэрэр. Тэрээһин «Сомоҕолоһуу оһуохайа» улахан үҥкүүнэн түмүктэниэҕэ.
Куорат олохтоохторун уонна ыалдьыттарын сэтинньи 4 күнүгэр күнүс 12:00 чааска оһуохайга кытталларыгар ыҥыраллар. Илии илииттэн ылсан, төгүрүччү туран, саха төрүт үҥкүүтэ — оһуохай — араас омук уонна көлүөнэ дьонун түмүөҕэ. «Уопсай оһуохайга хас биирдии киһи кини сорҕото буолар, тулалыыр дьонун өйөбүлүн уонна уопсай историяҕа сыһыаннааҕын билэр», — диэн иһитиннэриигэ этиллэр.
Бырааһынньыктааҕы тэрээһиннэр толору бырагыраамаларын сигэнэн көрүҥ.
