Арассыыйаҕа 2027 сылга хат буолуу уонна оҕо төрөөһүнүн босуобуйатын муҥутуур кээмэйэ 1,1 мөл.солк. буолуоҕа диэн РФ Социальнай пуондатын бэрэссэдээтэлэ Сергей Чирков «РИА Новости» ааҕыныстыбатыгар иһитиннэрдэ. Билигин босуобуйа муҥутуур кээмэйэ — 955 тыһыынча солкуобай.
«Кэлэр сылга хат буолуу уонна оҕо төрөөһүнүн босуобуйатын муҥутуур суумата 1,1 мөлүйүөн солкуобай буолуоҕа», — диэн Сергей Чирков эттэ. Арассыыйаҕа үлэлиир ийэлэр бу төлөбүрү кэнники икки сыллааҕы хамнастарыгар олоҕуран, үлэ биэрээччи төлөөбүт страховой усунуостарын суотугар ылаллар, суруйда Саха сирэ саайт.
