2027 сылга тиийинэн олоруу алын кээмэйин Саха Өрөспүүбүлүкэтин бырабыыталыстыбатын мунньаҕар сэтинньи 3 күнүгэр олохтоотулар.
Кэлэр сылга өрөспүүбүлүкэҕэ хас биирдии киһиэхэ тиийинэн олоруу алын кээмэйэ 30 543 солкуобай буолуоҕа. Бу 2026 сыллааҕар 6,8% элбэх. Үрдэтии бары сүрүн социальнай-демографическай бөлөхтөргө көрүлүннэ: үлэлиир кыахтаах дьоҥҥо, биэнсийэлээхтэргэ уонна оҕолорго.
Суоттааһыҥҥа Саха сирин территориальнай уратыларын учуоттаатылар. Бастакы зонаҕа, сүрүннээн хотугу уонна арктическай улуустар киирэллэр, тиийинэн олоруу алын кээмэйэ 35 735 солкуобай буолуоҕа, иккис зонаҕа — 29 932 солкуобай.
Көрдөрүүлэр федеральнай ирдэбиллэри уонна регионнааҕы дифференциация коэффициенын учуоттаан ааҕылыннылар.
