Нерюнгри оройуоннааҕы суута буруйу оҥорор тэриллиилээх бөлөх икки кыттыылааҕын, кытаанах эрэсиимнээх холуонньаҕа 13 уонна 9 сылга көҥүллэрин быһарга бириигэбэрдээтэ, диэн Арассыыйа УФСБ Саха Өрөспүүбүлүкэтигэр пресс-сулууспата иһитиннэрэр.
УФСБ үлэһиттэрэ Читай уобалаһыттан төрүттээх киһини уонна Нерюнгри оройуонуттан төрүттээх киһини туттулар. Суһал тэрээһиннэр кэмигэр кинилэр «наркомагазин» диэн даркнет ситимигэр үлэлииргэ сыһыаннаахтара быһаарылынна. Эр дьон, тэриллиилээх буруйу оҥорор бөлөх көхтөөхй кыттыылаахтара буолан, Саха сиригэр, Дагестанҥа уонна Комига, Ивановскай уонна Амур уобаластарыгар, Забайкальскай кыраайга наркотигы кистээн атыылаабыттар.
Суут Саха Өрөспүүбүлүкэтин Ис дьыала министиэристибэтин силиэстийэлиир управлениета хомуйбут дакаастабылларын уонна судаарыстыбаннай буруйдааччы санаатын учуоттаан, сууттанааччылары буруйу оҥорор бөлөххө кыттыбыттарынан, наркотигы, өйү сүүйэр сэбдьилэри уонна кинилэр атылыыларын сокуоннайа суох оҥорууга, атыылааһыҥҥа уонна тарҕатыыга, тэриллиилээх бөлөҕүнэн улахан кээмэйгэ буруйдаахтарынан билиннэ. Суут кинилэргэ кытаанах эрэсиимнээх холуонньаҕа 13 уонна 9 сылга көҥүллэрин быһар накаастабылы анаата.
