Өрөспүүбүлүкэтээҕи фашизмы утарар форум таһыма сылтан сыл үрдээн иһэр, улахан соруктар туруоруллаллар уонна кыттааччылар ахсааннара эбиллэр. Бу туһунан СИА-ҕа Саха сирин норуодунай дьокутаата Николай Бугаев иһитиннэрдэ.
«Бу форум букатын атын тэрээһин таһымыгар ааста. Быйыл «Патриот» ыччат киинэ киллэрбит кылаатын бэлиэтиибин, кииҥҥэ сүрүн үгүс тэрээһин ыытылынна. Манна улахан систиэмэлээх үлэ барара көстөр», — диэтэ кини.
Норуот дьокутаата форум ыытыллыытыгар Илин байыаннай уокурук уонна «Восток» войска бөлөхтөрүн салалтата кыттыбыттара улахан оруоллааҕын бэлиэтээтэ.
«Маны сэргэ бэтэрээннэр тэрилтэлэрэ улахан оруоллаахтар, кинилэр сыл устата көхтөөх уонна тэрээһиннээх буоллулар. Бу үлэ бу хайысханан салҕанарыгар баҕарабын», — диэтэ Николай Бугаев.
