Сэтинньи 10 күнүттэн Дьокуускай — Аллараа Бэстээх («Намыв» причалтан) маршрутунан айан төлөбүрэ биир хайысхаҕа 2500 солкуобай буолла. Бу иннинэ олохтоммут үрдүк тарыып уһуллар диэн өрөспүүбүлүкэ тырааныспарга министиэристибэтэ иһитиннэрдэ.
Үрдүк төлөбүр өрүс гидрологическай усулуобуйата уустук кэмигэр быстах кэмҥэ киирбитэ, билигин өрүс мууһа чиҥээбитинэн ити тохтоото. Дьаһал муус халыҥын кэтээн көрүү уонна муус туругун уопсай сыаналааһын түмүгүнэн ылылынна.
Маннык быраактыка былырыын эмиэ туттуллубута: алтынньы 29 күнүттэн сэтинньи 7 күнүгэр диэри эмиэ бу хайысханан тарыып үрдүк этэ, оччолорго өрүскэ уустук усулуобуйа турбута. Ол кэмҥэ аэроботтары эбии туһанан таһаллара — бу схема муус турдаҕына кутталы аччатарга көмөлөһөр, ол эрэн эбии ресурс ирдиирэ. Быһыы-майгы тупсубутун кэннэ тарыыбы түргэнник 2500 солкуобайга төннөрүлүннэ.
Тырааныспар министиэристибэтэ айанньыттарга махталын биллэрэр уонна айаҥҥытын саҥардыллыбыт сыананан учуоттаан былаанныыргытыгар көрдөһөр.
