Бэҕэһээ Саха сирин оскуолалара уонна кэллиэстэрэ саҥа оптуобустар күлүүстэрин туттулар.
46 саҥа оскуола оптуобуһун күлүүһүн туттардым. Оҕолор Дьокуускайга да, ыраах нэһилиэккэ да олордоллор, үчүгэй үөрэҕи ылаллара уонна дьоҕурдарын сайыннараллара миэхэ улахан суолталаах. Биһиги өрөспүүбүлүкэбитигэр, уһун сирдээх-уоттаах дойдуга, эрэллээх оскуола тырааныспара – бу үлэ булгуччулаах чааһа, диэн суруйда Ил Дархан Айсен Николаев МАХ-ханаалыгар.
Саҥа оптуобустар бары биһиги килиимэппит усулуобуйатыгар ананан оҥоһуллубуттар уонна киин куоракка уонна улуустарга үлэлиэхтэрэ. 2016 сылтан Саха сирэ 593 оскуола оптуобуһун ылла, ол иһигэр бу сыллааҕыны.
Арассыыйа Бэрэсидьиэнигэр Владимир Владимирович Путиҥҥа уонна дойду Бырабыыталыстыбатыгар оскуола тырааныспарын саҥардыыга өйөбүллэрин иһин уонна Саха сиригэр үөрэҕи сайыннарыыга болҕомтолорун иһин махтанабын, салгыы суруллар иһитиннэриигэ.
