Дойду спордун миниистирэ Михаил Дегтярев алтынньы 30 күнүнээҕи бирикээһинэн Саха сириттэн икки киһиэхэ Арассыыйа спордун маастарын аата иҥэрилиннэ. Туһааннаах дастабырыанньаны уонна бэлиэни мас-рестлинг уонна бокс бэрэстэбиитэллэрэ ылыахтара, диэн ЯСИА иһитиннэрэр.
Докумуон федеральнай министиэристибэ саайтыгар бэчээттэннэ.
Мас-рестлиҥҥэ Россия спордун маастара дойду эдэрдэргэ күрэхтэһиитин уонна аан дойду эдэрдэргэ күрэхтэһиитин кыайыылааҕа Айтал Антонов Амма улууһуттан буолла.
Боксаҕа Россия спордун маастарын аата Айхал Никифоровка иҥэрилиннэ. Кини Бүтүн Россиятааҕы күрэхтэһии кыайыылааҕа уонна призера буолар, ону тэҥэ Харбиҥҥа уолаттар ортолоругар Шанхай Оонньууларын боруонса мэтээлин ылбыта.
