Дьокуускайга Марха микрооройуонугар анал байыаннай дьайыыга өлбүттэргэ аналлаах мемориал аһыллыыта буолла.
Мемориал үтүө дьон ситимнээх үлэлэрин көмөтүнэн оҥоһулунна. Бырайыак өйүгэ, тэриллиитэ уонна олоххо киириитэ — Авсентий Явловскай өҥөтө. Сыбаарка үлэтин уонна мемориалы туруорууну «Душа Металла» тымныы ковкалааһын мастарыскыайа, көмөлөһөөччү Хуршид Пулатов кыттыылаах, толордо. Мемориальнай суруктаах бэлиэлэри гравировкалааһыны уонна туруорууну Иван Нутрихин уонна Андрей Власов хааччыйдылар. Сири-уоту тупсарыынан Алексей Захаров уонна «Дело СВОих» түмсүү дьарыктаннылар. Мемориалы киэргэтээччи — Сергей Хорошев.
Бырайыакка АБДь кыттыылааҕа, Саха Өрөспүүбүлүкэтин култууратын нэһилиэстибэтин эбийиэктэрин харыстыыр управлениетын кэтээн көрөр отделын салайааччыта Николай Васильев, ону тэҥэ Гузель Зуфарова — өлбүт байыас Радик Зуфаров кэргэнэ улахан өйөбүлү оҥордулар.
Аһыллыы сиэригэр-туомугар былаас, уопсастыбаннай уонна итэҕэл тэрилтэлэрин бэрэстэбиитэллэрэ, ону таһынан ыччат кыттыыны ылла.
