Эдьигээн улууһугар муниципальнай суолталаах «Эдьигээн бөһүөлэгэ – Аэропорт» хайысханан муус суол үлэтин саҕалаата. Стрекаловка өрүһү туоратар суол мууһун халыҥа 3 туоннаҕа диэри ыйааһыннаах массыыналар сылдьалларыгар кыах биэрдэ.
Мууһунан туорааһыннары тутуу уонна оҥоруу үлэлэрэ сезоннай суоллары кэмигэр арыйарга уонна сабарга былаан быһыытынан, ону тэҥэ тутуу тиэхиньикэтигэр куттала суох муус халыҥа баар буоллаҕына ыытыллаллар. Исписэлиистэр айанныыр суолу ыраастааһын уонна тэҥнээһин, киирии сирдэри оҥоруу, айан балаһаларын бэлиэтээһин үлэтин ыыталлар.
Мууһунан туорааһыны арыйар болдьохтор муус дьиҥнээх туругуттан уонна күн-дьыл усулуобуйатыттан көрөн уларыйыахтарын сөп.
