Саха сирин Өлүөхүмэ улууһугар бүгүн, сэтинньи 11 күнүгэр, сир хамсааһына бэлиэтэннэ диэн ЯСИА-ҕа ФИЦ ЕГС РАН Саха сиринээҕи салаатыгар иһитиннэрдилэр.
Сир хамсааһынын эпикиинэ Өлүөхүмэ-Чаара хаптал хайалаах сиригэр, Торҕо сэлиэнньэтиттэн соҕуруулуу-илин 124 килэмиэтиргэ бэлиэтэннэ. Координаттара: 57,62° хотугу кэтирээһин уонна 121,01° илин усталааһын.
Охсуу кыаҕа МСК шкалатынан 4 баалынан, оттон магнитуда — 3,5 баалынан сыаналанна.
