Бүгүн, сэтинньи 11 күнүгэр, биллэр судаарыстыбаннай диэйэтэл, суруйааччы, учуонай, саха литэрэтиирэтин төрүттээччи Платон Алексеевич Слепцов — Былатыан Ойуунускай төрөөбүтэ 133 сылын бэлиэтиибит.
Бу сыл алтынньы ый бүтүүтэ Чөркөөх оскуолатыгар улуустааҕы бастыҥнар хамсааһыннарын «Лидеры первых» оскуолатыгар үс күннээх лааҕырга мустубуттара.
Улуус бастыҥ, көхтөөх оҕолоро үс күн араас көрсүһүүлэргэ, сонун айар-тутар, билии-көрүү аартыгын арыйбыттара. Оҕолорго дьиэтээҕи сорудах быһыытынан Улуу биир дойдулаахпыт Былатыан Ойуунускай төрөөбүтэ 133 сылын көрсө куйаар ситиминэн открытка оҥорон тарҕатарга сорудах ылбыттара.
Сорудах Былатыан Ойуунускай аатынан СӨ судаарыстыбатын музейа ыыппыт төгүрүк остуолугар бэриллибитэ. Улууспут оҕолоро, чуолаан оҕо кииннэрэ куйаар ситиминэн ыраах Хара Алдантан, Баайаҕаттан, Уолбаттан, Харбалаахтан, Туора Күөлтэн, Дьохсоҕонтон, Ытык Күөл лицейиттэн ыыттылар.
Дьоһуннаахтык ылсан кыттыбыт оҕолорбутугар, улуустааҕы Бастыҥнар хамсааһыннарын салайааччытыгар Римма Унароваҕа түгэнинэн туһанан махталбытын тиэрдэбит, диэн суруйда Светлана Халгаева.
