Билиҥҥи кэмҥэ тутааччылар ис өрөмүөн үлэлэригэр, инженернэй ситимнэр уонна анал сыана тэриллэрин таҥыыга сүрүн болҕомтолорун уураллар. Киин кыахтарын кэҥэтэр ураты технологическай тутуулары туруоруу салҕанар.
Эпос уонна ускуустуба киинэ сүрүн уратытынан Олоҥхо икки саалатыгар уратытык уларыйар сыана баар буолуоҕа. Анныгар үс секцияны хамсатар уонна 19 көтөҕөр мэхэньиисим туруорулунна. Секция толору эргийэр, 3 миэтирэҕэ диэри үөһэ көтөҕүллэр уонна 6 миэтирэҕэ диэри аллара түһэр кыахтаах.
Эбии кыахтары үөһээҥи мэхэньиисим эмиэ хааччыйыаҕа — ол декорациялары, наада буоллаҕына артыыстары эмиэ үөһэ-аллара түһэрэр сыаллаах. Ону таһынан Арктическай киин саалаларыгар оркестровой аллара хос көрүллүбүт.
Арктикатааҕы эпос уонна ускуустуба киинэ ханнык баҕарар көрүҥнээх тэрээһиннэри ыытар кыахтаах элбэх хайысхалаах кэнсиэр-тыйаатыр былаһааккатынан буолуоҕа. Култуура кластера айар кэлэктииптэргэ саҥа кыахтары тэрийиэҕэ, Саха сирин норуоттарын ураты култууратын сайыннарыаҕа диэн «ВИС» бөлөх иһитиннэрэр.
