Саха сирин баһылыга Айсен Николаев балаҕан ыйын 27 күнүгэр «Турук» биэриигэ хотугу таһаҕаһы тиэйии хаамыытын туһунан кэпсээтэ. Кини этэринэн, Арктикаҕа уматык барыта толору тиэллибит, оттон чоҕу автозимниктар аһылыннахтарына салгыы илдьиэхтэрэ.
«Хоту улуустарга наадалаах сэлээркэни, бэнсиини уонна авиация уматыгын барытын тиэйэн аҕаллылар. Чох ситэ тиийэ илик, ол эрээри бу штатнай быһыы-майгы. Ордубут чох кээмэйэ анал миэстэҕэ ууруллар, онтон кэлин кыһыҥҥы суолларынан нэһилиэнньэлээх пууннарга диэри тиэйиллиэҕэ. Кыһыҥҥы суоллар аһыллыахтарыгар диэри миэстэтигэр чох тиийэр. Долгуйар төрүөт суох», — диэтэ Айсен Николаев.
