Судаарыстыбаннас күнүгэр тэриллибит Ил Дарханныын быһа биэриигэ тыа сиригэр, тыа хаһаайыстыбатын эйгэтигэр сыһыаннаах балачча ыйытыы киирдэ. Айсен Николаев олорго барытыгар сиһилии хоруйдаата, ол иһигэр, халаантан эмсэҕэлээбит улуустарга туох көмө оҥоһулларын, оту, уотурбаны тиэйии-таһыы кээмэйин, болдьоҕун уо.д.а. туһунан быһааран биэрдэ.
Биир ыйытыы Нерюнги оройуонугар хаһаайына суох бэйдиэ сылдьар ыттары тутууга ананна. Бу боппуруоска бэтэринээрийэ управлениета иһитиннэрэринэн, «Кыылга эппиэтинэстээх сыһыан туһунан» 492 №-дээх федеральнай сокуон чэрчитинэн, хаһаайына суох ыттары тутан баран, быһыы бэриллэр, стерилизацияланар, маркировкаланар (чип, бииркэ кэтэрдиллэр) итиэннэ киһиэхэ куттала суоҕа быһаарылыннаҕына, сылдьыбыт эйгэтигэр төттөрү ыытыллар.
Быһа биэриигэ киирбит ыйытыынан сибээстээн, Бэтэринээрийэ управлениета хаһаайына суох ыттары тутуу үлэтин күүһүрдэргэ итиэннэ оннук ыттар ханна баалларын туһунан сайаапкалары «Автоматизированная система учёта животных без владельцев» диэн мобильнай сыһыарыынан биэрэргэ эбэтэр Нерюнгри куорат кэлим диспетчерскэй сулууспатыгар төлөпүөннүүргэ этэр. Бу туһунан Бэтэринээрийэ управлениета МАХ ханаалга суруйда.
Источник: Саха парламент саайт.
