Саха сирин синоптиктара биллэрэллэринэн, бу өрөбүллэргэ өрөспүүбүлүкэ үгүс өттүгэр кыралаан, арҕаа уонна соҕуруу сорох сирдэринэн хаар түһэрэ күүтүллэр. Тыала орто күүстээх буолуоҕа, суруйда Саха сирэ саайт.
Салгын температурата түүнүн -26-31°, былыта суох буоллаҕына киин, арҕаа уонна соҕуруу улуустарга -33-38°, хотугулуу-илин -39-44°. Арҕаа уонна соҕуруу оройуоннарга, хаардыыр кэмигэр -13-18° кыраадыс тымныы. Күнүһүн -20-25°, намыһах сирдэринэн -30-35°, оттон соҕуруу уонна соҕуруу-арҕаа улуустарга -8-13°.
