Сэттис Москватааҕы муода нэдиэлэтэ 2026 сыл балаҕан ыйын 26 күнүттэн алтынньы 1 күнүгэр диэри «Манеж» Киин быыстапкалыыр саалатыгар ыытыллыаҕа. Саха сириттэн Изабелла Дордосова INNIKI брендын көрдөрүөҕэ.
«»Urban Кочевники» кэллиэксийэни айарбар цивилизациялар уонна эпохалар силбэһиилэригэр аныгы улахан куорат олохтооҕун уобараһа сүрүн өйү-санааны биэрбитэ. Бырайыак өйүгүн төрдүгэр саха омук көс култууратын дириҥ философията кибер-эстетика уонна космическай минимализм призматынан эргитиллэн сытар. Бу бырайыак былыргы култуура кодунан билиҥҥи куораттар динамичнай тэтимнэригэр хайдах сөп түбэһэрин уонна сарсыҥҥы күн интеллектуальнай муодатыгар кубулуйарын көрдөрөр соруктаах», — диир дизайнер Изабелла Дордосова.
Сэттис Москватааҕы муода нэдиэлэтигэр 1047 сайаапка киирдэ. Олортон аҥаарын кэриҥэ (494) бу иннинэ бырайыакка хаһан да кыттыбатах дизайнердар ыыппыттар.
Сэттис сезон киин куоракка 10-тан тахса дойдуттан бэрэстэбиитэллэрин мунньуоҕа, ол иһигэр Казахстан, Кытай уонна Турция бааллар.
