РИА Новости саайтыгар Пирогов аатынан Университет Арассыыйатааҕы геронтологическай билим-клиническэй киинин дириэктэрэ, Геронтологтар уонна гериатрдар Арассыыйатааҕы ассоциациятын бэрэсидьиэнэ Ольга Ткачева этэринэн, быһыыны ылыы (вакцинация), элбэх хамсаныы, толору утуйуу, хаан баттааһынын, холестерины уонна глюкозаны кэмигэр хонтуруоллааһын олоҕу уһатыы саамай туһалаах ньымалара буолаллар.
«Хорук тымыр баттааһынын, холестерины уонна глюкозаны кэмигэр хонтуруоллааһын, быһыыны ылыы, эминэн сөптөөхтүк хааччыныы, ону таһынан кулгаах уонна харах кэһииллиилэрин көннөрүү олус улахан туһаны биэрэр. Хамсаныы, сөптөөхтүк аһааһын, утуйуу уонна табаҕы быраҕыы эмиэ суолталаахтар», — диэтэ Ткачева.
Кини этэринэн, чөл олоҕу саҕалыырга хаһан да хойутаабаккын. Чинчийии көрдөрөрүнэн, олохторун иккис аҥаарыгар да саҕалаабыт дьон доруобуйаларын бөҕөргөтөллөр уонна уһуннук олороллор.
Тылбаас: Дария Сибирякова
